2016 جىلعى 31 تامىز, استانا, ۇكىمەت ءۇيى
مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ قاعيدالارىن جانە ولشەمشارتتارىن بەكىتۋ تۋرالى
«مۇناي ونىمدەرىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ تۋرالى» 2011 جىلعى 20 شىلدەدەگى قازاقستان رەسپۋبليكاسىنىڭ زاڭى 6-بابىنىڭ 12-6) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ قاعيدالارى جانە ولشەمشارتتارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ
قازاقستان رەسپۋبليكاسى ۇكىمەتىنىڭ 2016 جىلعى 31 تامىزداعى №500 قاۋلىسىمەن بەكىتىلگەن
مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ قاعيدالارى جانە ولشەمشارتتارى
1-تاراۋ. جالپى ەرەجەلەر
1. وسى مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ قاعيدالارى جانە ولشەمشارتتارى (بۇدان ءارى – قاعيدالار) «مۇناي ونىمدەرىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ تۋرالى» 2011 جىلعى 20 شىلدەدەگى قازاقستان رەسپۋبليكاسىنىڭ زاڭى 6-بابىنىڭ 12-6) تارماقشاسىنا سايكەس ازىرلەندى جانە مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ ءتارتىبىن جانە ولشەمشارتتارىن بەلگىلەيدى.
2-تاراۋ. مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ ءتارتىبى
2. مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ ءۇشىن وبلىستاردىڭ, رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگاندارىنىڭ (بۇدان ءارى – جەرگىلىكتى اتقارۋشى ورگان) جانىنان كوميسسيالار (بۇدان ءارى – كوميسسيا) قۇرىلادى.
3. كوميسسيا توراعادان, توراعانىڭ ورىنباسارىنان, كوميسسيا مۇشەلەرىنەن جانە حاتشىدان تۇرادى. كوميسسيا حاتشىسى ونىڭ مۇشەسى بولىپ تابىلمايدى.
4. كوميسسيانى وبلىس, رەسپۋبليكالىق ماڭىزى بار قالا جانە استانا اكىمىنىڭ ورىنباسارىنان تومەن ەمەس لاۋازىمدى ادام باسقارادى.
5. كوميسسيا قۇرامىن وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمى بەكىتەدى.
6. كوميسسيا قۇرامىنا كوميسسيا مۇشەلەرىنىڭ جالپى سانىنان كەمىندە ۇشتەن ەكىسى مولشەرىندە قوعامدىق ۇيىمداردىڭ, جەرگىلىكتى دەڭگەيدەگى قوعامدىق كەڭەستەر مەن وڭىرلىك كاسىپكەرلەر پالاتاسىنىڭ وكىلدەرى كىرەدى.
7. كوميسسيا مۇشەلەرى وزدەرىنىڭ قىزمەتتەرىنە الماستىرۋ قۇقىعىنسىز قاتىسادى.
8. كوميسسيا توراعاسى ونىڭ قىزمەتىنە باسشىلىق جاسايدى, كوميسسيانىڭ وتىرىستارىندا توراعالىق ەتەدى, ونىڭ جۇمىسىن جوسپارلايدى, ونىڭ شەشىمدەرىنىڭ ىسكە اسىرىلۋىنا جالپى باقىلاۋدى جۇزەگە اسىرادى.
كوميسسيانىڭ توراعاسى بولماعان ۋاقىتتا ونىڭ فۋنكتسيالارىن ورىنباسارى اتقارادى.
9. كوميسسيا وتىرىستارىن ونىڭ توراعاسى قاجەتىنە قاراي شاقىرادى.
10. كوميسسيا وتىرىستارى, ەگەر وعان كوميسسيا مۇشەلەرىنىڭ جالپى سانىنىڭ جارتىسىنان كوبى قاتىسسا, زاڭدى دەپ ەسەپتەلەدى.
11. كوميسسيا شەشىمدەرى ونىڭ وتىرىسىنا قاتىسقان كوميسسيا مۇشەلەرىنىڭ جالپى سانىنىڭ كوپشىلىك داۋسىمەن اشىق داۋىس بەرۋ ارقىلى قابىلدانادى.
كوميسسيا مۇشەلەرى شەشىم قابىلداۋ كەزىندە تەڭ داۋىسقا يە. داۋىستار تەڭ بولعان جاعدايدا, كوميسسيا توراعاسى داۋىس بەرگەن شەشىم قابىلداندى دەپ ەسەپتەلەدى.
12. قاجەتتى قۇجاتتاردى, بەرۋ مەرزىمدەرىن, سونداي-اق كوميسسيا وتىرىسىنىڭ كۇنىن كورسەتە وتىرىپ, مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋعا ارنالعان وتىنىمدەردى قابىلداۋ تۋرالى اقپارات كوميسسيا وتىرىسى وتكىزىلەتىن كۇنگە دەيىن كۇنتىزبەلىك جيىرما كۇن بۇرىن جەرگىلىكتى اتقارۋشى ورگاننىڭ ينتەرنەت-رەسۋرسىندا ورنالاستىرىلادى.
13. مۇددەلى تۇلعالاردان وتىنىمدەر جەرگىلىكتى اتقارۋشى ورگانعا كوميسسيا وتىرىسى وتكىزىلەتىن كۇنگە دەيىن كۇنتىزبەلىك بەس كۇن بۇرىن ۇسىنىلادى.
14. ءوتىنىش بەرۋشى مىناداي قۇجاتتاردى:
1) ەركىن نىساندا قاتىسۋ تۋرالى ءوتىنىمدى;
2) زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ كوشىرمەسىن نەمەسە انىقتامانى نەمەسە دارا كاسىپكەردى مەملەكەتتىك تىركەۋ تۋرالى كۋالىكتىڭ كوشىرمەسىن ۇسىنادى;
(* ەسكەرتپە: «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 24 جەلتوقسانداعى قازاقستان رەسپۋبليكاسىنىڭ زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىك زاڭدى تۇلعا قىزمەتى توقتاتىلعانعا دەيىن جارامدى بولىپ تابىلادى);
3) جارعىنىڭ جانە/نەمەسە قۇرىلتاي قۇجاتتارىنىڭ كوشىرمەسىن;
4) مۇناي ونىمدەرىن ءوندىرۋ سالاسىنداعى ۋاكىلەتتى ورگان بەرگەن مۇناي ونىمدەرىن كوتەرمە ساۋدا ارقىلى بەرۋشىلەردىڭ تىزىلىمىنەن قىزمەتتىڭ باستالعانى تۋرالى ءۇزىندى-كوشىرمەنى;
5) ءوتىنىش بەرۋشىنىڭ اۆتووتىن قۇيۋ ستانتسيالارى مەن مۇناي بازالارىنا مەنشىك قۇقىعىن جانە (نەمەسە) جالعا الۋ قۇقىعىن راستايتىن قۇجاتتاردى;
6) كولىك كاسىپورىندارىمەن جاسالعان شارتتاردىڭ كوشىرمەلەرىن نەمەسە كولىكتىڭ بولۋى تۋرالى راستايتىن قۇجاتتاردى;
7) ءاربىر اۆتووتىن قۇيۋ ستانتسياسىنا جانە مۇناي ونىمدەرىنىڭ بازاسىنا قىزمەتىنىڭ جەكەلەگەن تۇرلەرى بويىنشا سالىق سالۋ وبەكتىلەرىن ەسەپكە الۋدى تىركەۋ كارتوچكالارىنىڭ كوشىرمەلەرىن ۇسىنادى.
15. وسى قاعيدالاردىڭ 14-تارماعىندا كورسەتىلگەن قۇجاتتار توپتاماسى تولىق ۇسىنىلماعان جاعدايدا, جەرگىلىكتى اتقارۋشى ورگان ءوتىنىمدى قابىلدامايدى.
16. كوميسسيا وسى قاعيدالاردىڭ 21-تارماعىندا كوزدەلگەن ولشەمشارتتاردى ەسكەرە وتىرىپ, وسى قاعيدالاردىڭ 14-تارماعىندا كورسەتىلگەن قۇجاتتاردى ون جۇمىس كۇنىنەن اسپايتىن مەرزىمدە قارايدى.
17. كوميسسيا شەشىمدەرى حاتتاما تۇرىندە رەسىمدەلەدى جانە وعان توراعا, توراعانىڭ ورىنباسارى, حاتشى, قاتىسىپ وتىرعان كوميسسيا مۇشەلەرى قول قويادى.
18. كوميسسيا حاتتاماسى كوميسسيا وتىرىسى وتكەن كۇننەن باستاپ ءبىر جۇمىس كۇنى ىشىندە جەرگىلىكتى اتقارۋشى ورگانعا جىبەرىلەدى.
19. جەرگىلىكتى اتقارۋشى ورگان ون جۇمىس كۇنى ىشىندە مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ تۋرالى ءتيىستى قاۋلى شىعارادى.
20. كوميسسيا حاتتاماسى جانە جەرگىلىكتى اتقارۋشى ورگاننىڭ قاۋلىسى قابىلدانعان كۇنىنەن باستاپ ەكى جۇمىس كۇنى ىشىندە جەرگىلىكتى اتقارۋشى ورگاننىڭ ينتەرنەت-رەسۋرسىندا ورنالاستىرىلادى.
3-تاراۋ. مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ ولشەمشارتتارى
21. مەملەكەتتىك رەتتەۋ باعالارى بەلگىلەنگەن مۇناي ونىمدەرىن بولەتىن وڭىرلىك وپەراتورلاردى ايقىنداۋ ولشەمشارتتارى مىنالار:
1) ءوتىنىش بەرۋشىنى زاڭدى تۇلعا نەمەسە دارا كاسىپكەر رەتىندە تىركەۋ;
2) ءوتىنىش بەرۋشىنىڭ كەمىندە ءۇش جىل مەنشىگىندە نەمەسە جالعا الۋ قۇقىعىنداعى ەڭ تومەنگى ساقتاۋ كولەمى مىڭ توننا جانە ودان دا كوپ ءبىر مۇناي ونىمدەرى بازاسىنىڭ (قىزمەتتىڭ جەكەلەگەن تۇرلەرى بويىنشا تىركەۋ كارتوچكاسىن ۇسىنا وتىرىپ) بولۋى;
3) سالىق بەرەشەگىنىڭ بولماۋى;
4) قازاقستان رەسپۋبليكاسىنىڭ اۋماعىندا جۇكتەردى تاسىمالداۋدى قامتاماسىز ەتەتىن كولىك كاسىپورىندارىمەن جاسالعان شارتتاردىڭ بولۋى نەمەسە مەنشىك قۇقىعىندا كولىكتىڭ بولۋى.
22. وسى قاعيدالاردىڭ 21-تارماعىندا بەلگىلەنگەن وڭىرلىك وپەراتورلاردى ايقىنداۋ ولشەمشارتتارىنا مۇددەلى تۇلعانىڭ سايكەس كەلمەۋى مۇددەلى تۇلعانىڭ ءوتىنىمىن قاناعاتتاندىرۋدان باس تارتۋ ءۇشىن نەگىز بولىپ تابىلادى.
جەرگىلىكتى اتقارۋشى ورگاننىڭ شەشىمدەرىنە قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن جانە نەگىزدەر بويىنشا شاعىم جانە نارازىلىق جاسالۋى مۇمكىن.